Masraxiyaddii Aqoon Iyo Afgarad: Musdambeed Taariikheed (Paperback)

Masraxiyaddii Aqoon Iyo Afgarad: Musdambeed Taariikheed Cover Image
$13.00
Email or call for price

Description


Masrixiyaddanwacyigelinteedu waa mid waageedii ay ka curatay iyo kan maanta la joogaba ku habboon. Waxyaalaha ay tooska u abbaartay waxaa ka mid ah tilmaamidda in ka mid iimihii gumeystayaashii ay kaga tageen dadka iyo dalka Soomaaliyeed iyo kuwii la yimid isbeddelka nolosha bulshada casriga ah. Waxaa ka mid ah: doorsoonkaaf, dhaqan, dhaqaale iyo siyaasadeed ee gaadhay ilaa loo soo joogay in jiilkii la filayay in uu dadlka iyo dadka xornimada curdinka helay horumar la taaban karo gaarsiiyo ay iyagiiba is af garan waayeen, dadkoodii ay u adeegi lahaayeenna aanay sidaa oo kale isu af garanayn. Loollankii ka dhexeeyay fikradihii siyaasadeed ee Bari iyo Galbeed iyo saamayntii tabnayd ee ay ku yeesheen manhajka iyo majaraha waxbarasho ee dhallinyaradii dibadaha waxbarashada u aaday dabadeedna dalkii dib ugu soo noqday iyaga oo kala sita cinwaanno culculus oo diktuur, dhoktor iyo ditoore ka wada kaca. Waxay ka turjumaysaamasraxiyaddu sheeko gudbinaysa qoys Soomaaliyeed oo reer miyi xooladhaqato iyo beeraleyba ah oo saboolna ah. Qoyska dhanna u ma fayooba Caafimaadkiisu ma fiicna, xooluhuwaa ay ka wada bukaan, xagga daryeelkana waa uu ka liitaa.Qoyskaa kuwii dad iyo duunyo in ay u badbaadshaan laga dhawrayay waa kuwaa is af garan la' lana af garan la'yahay Dhanka kale, Aqoon iyo Afgarad xagga yididdiilada qumman iyo ifinta rejajooyinkii soo fool lahaa ka ma ay madhnayn. Waxa ay sii oddorostay horumarro ay ka mid ahaayeen hirgelintii qoridda Af Soomaaliga rasmiga ah ee aynnu hadda adeegsanaynno. Waxa kale oo ay masraxiyaddu halbeeg qumman diiradda ku saartay in badbaadada iyo horumarinta dal iyo dad aan looga sokeyn laguna dhaamin jiilka daljirka ah ee afkooda hooyo kaga haqab beela aqoonta dadkooda iyo dalkoodu u baahanyihiin. Iimihii la yimid isbeddellada bulshada casriga ah ee dhinacyada badan leh, sida dawladnimada cusub iyo fahankeeda, magaalowgii Soomaalida ku sii baahayay iyo noloshii sii murgaysay ee cillanaanta badan iyo kala danaysiga aan la isu turayn la timid ayay masraxiyaddu dhan kale ka tilmaamaysay. Intii ay waagaa tilmaamaysay iyo iyo dheeraadba maanta waa ay taaganyihiin. Sidaa awgeed, AQOON IYO AFGARAD wali waa halkeedii.

About the Author


Saciid Saalax Axmed waxa uusannadkii 1945 oo ku aaddan dhammaadkii Dagaalkii Labaad ee Adduunka ku dhashay guri miyi, halka lagu magacaabo Samawacad oo ku taal casha dhexe ee buuraha magaalada Laas Qoray korkeeda dhaca, Gobolka Sanaag. Waxa uu ka dhashay qoys Soomaaliyeed oo reer magaal-xeebeed ah asalka Maahkir, isla markaana reer miyi xoolo raacato ku lug leh ahaa. Xagga waxbarashada, dugsiga hoose waxa uu ka dhigtay isla Laas Qoray iyo Ceerigaabo, kan dhexena dugsigii caanka ahaa ee Dayaxa. Dugsiga tababarka macallimiinta waxa uu ku qaatay dugsigii sare ee Cammuud. Jaamacadda Ummadda waxa uu ka baxay Kulliyaddii Waxbarashada ee Lafoole (Biology/chemistry). Waxa uu ka mid ahaa hormadii ugu horreysey ee sanadii 1968 kulliyaddaa lagu furay. Saciid Saalax waxa uu Wasaaraddii Waxbarashada iyo Barbaarinta ka soo maray bare dugsi dhexe, bare dugsi sare iyo bare jaamacadeed oo uu isla Lafoole muddo gaaban wax ka dhigay. Waxa uu soo qabtay xilal maammule dugsiyo sare, machad macallineed ilaa iyo Agaasimaha Waaxda Barbaarinta oo isagu soo unkay. Saciid Saalax waabare shaqadiisa dhab ahaaneed ee uu ku faano, taa oo uu ku la baxay "Macallin Saciid." Labaatankii sannadood ee u dambeeyey, ilaa hadda, waxa uu macallin ka ahaa Dalka Maraykanka, Gobolka Minnesota. Sannadkii 2012 ayaa ay u buuxsantay 50-guuradii shaqadiisa macallinnimo. Xagga hal'abuurka, Saciid Saalax fanka iyo suugaanta waxa uu ku bilaabay qoyskooda dhexdiisa, dabadeedna dugsiyadii waxbarashadiisa oo dhan waa uu la socday. Waxa se uu si fiican ugu xididdaystay markii uu Lafoole oo ahayd goob aqoon iyo fan badan kulmisay galay. Waxyaalaha ugu waawayn ee lagu yaqaan dhankaa waxaa ka mid ah Kooxdii Iftiin ee Wasaaradda Waxbarashada iyo Barbaarinta oo uu aasaaskeedii, tababarradeedii iyo hal'abuurkeedii ka soo hawl galay, taa oo ka mid ahayd qaybaha Waaxda Barbaarinta ee uu agaasimaha ka ahaa ilaa la soo gaaray bilawgii Dagaaldii Sokeeye. Saciid Saalax waxa uu hadda deggenyahay dalka Maraykanka, halkaa oo uu bare sare (af Soomaali) ka yahay Jaamacada Minnesota (Magaalooyinka Mataanaha ah).


Product Details
ISBN: 9780993431340
ISBN-10: 0993431348
Publisher: Looh Press
Publication Date: June 29th, 2017
Pages: 192
Language: Somali